«Հիմա խնդիրն այն է, որ Լևոն Տեր-Պետրոսյանի և Րաֆֆու շրջանակները կարող են իրար հրելով, նեղացնելով ընդամենը վիճաբանել այդ անխուսափելի դարձած շարժումը դեպի բուրժուադեմոկրատական զարգացումներ առաջնորդողի իրավունքի համար: Ռ՞վ է լինելու` Լևո՞նը, թե՞ Րաֆֆին: Բայց խնդիրը բոլորովին էլ դա չէ, և դրանից ոչինչ չի փոխվում: Իհարկե, կարելի է համակրել Լևոնին կամ Րաֆֆուն, բայց դա էական չէ: Երկուսն էլ գնալու են նույն ուղղությամբ, երկուսն էլ հայտնվեցին մի ճամբարում: Իմիջիայլոց, Սերժ Սարգսյանը մեծ հաշվով նույնպես գտնվում է նույն ճամբարում, բայց նրան այլևս տեղ չեն տա: Այն, ինչ պատրաստում են Հայաստանի համար, թույլ տվեք բնորոշել մեկ բանաձևով` քֆուրի փոխարեն՝ «Կարֆուր», այսինքն` ուշունց տվող մաուզերիստների, խուլիգանների և չարչիների փոխարեն` կլինեն «Մակդոնալս», «Կարֆուր» և այլն»,- «168 ժամի» թղթակցի հետ զրույցում ասել է կինոռեժիսոր, «Սարդարապատ» շարժման անդամ Տիգրան Խզմալյանը: Նրա խոսքով` լիդերը լինելու է ոչ ոք, քանի որ կուռքերը հերթական անգամ փլուզվեցին: Իսկ այս անգամ, ըստ նրա, կուռքը լինելու է հայ ժողովուրդը: Հրապարակումն ամբողջությամբ` թերթի այսօրվա համարում: