panorama.am-ը գրում է. Երևանի խանութներից մեկից քաղաքացին գնել է «գերթարմ» լավաշ: Հերիք չէ լավաշն այսօր են թխել՝ օգոստոսի 22-ին, դեռ մի բան էլ վառարանից չեն հանել՝ ժամը 15:00-ին են հանելու: Քաղաքացին էլ առանց իմանալու տաք-տաք կերել է, կեսից նկատել:
Ա/Ձ Հ. Խաչատրյանի արտադրած լավաշի վրայի պիտակին մանրամասն նշումներ կան, երևի մտածում են, մեկ է՝ կարդացող չկա: Պարզվում է, մեկ-մեկ կարդում են ու զավեշտալի բաներ պարզում:
Նշված հեռախոսահամարով զանգահարած քաղաքացուն ասել են, որ «արտադրված է» նշման ներքո գրված ամսաթիվը վերաբերում է ոչ թե արտադրության ժամկետին, այլ՝ ուշադրություն, խանութ հանձնելու:
Ստացվում է, եթե նույն լավաշն արտադրողը որոշի խանութ հանձնել երեք օրից, այն կդառնա օգոստոսի 25-ին թխված: