Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Լեռնային Ղարաբաղի հարցով Հայաստանի, Ռուսաստանի և Ադրբեջանի ղեկավարների եռակողմ պայմանավորվածությունները միակ իրական հիմքն են իրավիճակի կարգավորման համար։ Պեսկովն ընդգծել է, որ դրանց իրականացումն անհրաժեշտություն է։ Պեսկովն այս մասին ասել է լրագրողների հետ զրույցում։ «Մենք պատրաստ ենք ողջունել կողմերի ցանկացած քայլը, որը կնպաստի եռակողմ պայմանավորվածությունների իրականացման հարցում առաջ շարժվելուն»,- ասել է ՌԴ նախագահի մամուլի քարտուղարը։ Կրեմլի ներկայացուցչի խոսքով՝ եռակողմ պայմանավորվածությունները միակ իրական և իրատեսական հիմքն են կարգավորման համար։ Նա հայտարարել է, որ պայմանավորվածությունների բոլոր դրույթների կատարումը համարում են անհրաժեշտություն և դրանց այլընտրանք չկա։ |
Կրեմլում անհրաժեշտություն են համարում ԼՂ հարցով եռակողմ պայմանավորվածությունների կատարումը
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Tweet