Բրիտանուհի Վենդի Արչերը  սեփական երեխաներից բացի ունի նաև 4 արհեստական երեխա։ Ինչպես նշում է The Daily Mail-ը, 40-ամյա կինը 4-րդ երեխան ունենալուց հետո որոշել է վիրահատվել ու անպտուղ դառնալ, սակայն ավելի ուշ զղջացել է այդ որոշման համար։ 

Սխալն ուղղելու համար նա 4.000 դոլարով գնել է 4 տիկնիկ, որոնց առաջին հայացքից դժվար է տարբերել սովորական մարդուց։ Արչերն ամեն օր լողացնում, հագցնում, կերակրում ու քնեցնում է տիկնիկներին։ Նա տիկնիկների համար գնել է այն ամենը, ինչ անհրաժեշտ է նորածինների խնամքի համար՝ սկսած հիգիենայի պարագաներից մինչև սնունդ ու հագուստ։

«Իմ իսկական երեխաներն արդեն հասուն մարդիկ են, ունեն իրենց անձնական կյանքը, իսկ ինձ ուրախացնում են այս փոքրիկները: Ես շատ եմ սիրում իմ փոքրիկներին, ինձ համար նրանք տիկնիկներ չեն, այլ իսկական երեխաներ»,-պատմել է բրիտանուհին։