Դերասան և ազատամարտիկ Կարեն Մկրտչյանի ընկեր Վարդան Արզումանյանը, ով ներկայումս Կարենի հետ Գերմանիայում է, ֆեյսբուքյան իր էջում տեղադրել է նոր լուսանկար, որում պատկերված է վիրահատության պատրաստվող Կարենը: Վարդանը գրել է. «Վիրահատությունն արդեն սկսված է, Աստված մեզ հետ»: Հիշեցնենք, որ դերասանն արդեն վերականգնել է խոսքը և կարողանում է քայլել, սակայն ամբողջական ապաքինման համար նա պետք է դեռ երկար բուժման ենթարկվի, որի համար նախատեսված գումարը հավաքվել է և դրամահավաքն արդեն դադարեցվել է:
Նշենք, որ Կարենի ընկեր Վարդանը, ով նույնպես դերասան է, պարբերաբար նոր լուսանկարներ է հրապարում` ներկայացնելով Կարենի բուժման ընթացքը և իրենց առօրյան:
