Հայաստանի Հանրային հեռուստաընկերությամբ ազգային հավաքականի խաղերը սովորաբար մեկնաբանում է Էդուարդ Քալանթարյանը:
Ռումինիա-Հայաստան խաղի մեկնաբանությունը վստահվել էր Ռաֆայել Խալաթյանին և Արմեն Մանուկյանին, ովքեր հաղթել են Առաջին ալիքի կազմակերպած մեկնաբանների մրցույթում:
Այս մասին Հանրային հեռուստաընկերության սպորտի բաժնի ղեկավար Կարեն Գիլոյանի հայտնել է հետևյալը.
«Կոնֆեդերացիաների խաղարկությունից առաջ մեկնաբանների մրցույթում մենք հայտարարել ենք, որ հաղթած մեկնաբանները եթերներ են ստանալու նաև մրցաշարից հետո:
Ճիշտ է Էդուարդ Քալանթարյանի հետ պայմանավորվածություն ունենք, սակայն ղեկավարությունը որոշում կայացրեց խաղը վստահել հաղթած մեկնաբաններին: Ուզում եմ նշել, որ նրանց միայն մենք չենք ընտրել, նրանք ստացել են ժողովրդի համակրանքը և վստահությունը»:
Գիլոյանը նաև հավելել է, որ առաջիկա խաղը՝ Հայաստան-Դանիա մեկնաբանելու են մյուս հաղթած մեկնաբանները՝ Արման Աբելյանը և Արմեն Գարամյանը:
Աղբյուրը` armsport.am
