Ինչպես արդեն տեղեկացրել էինք, Օսկար 86-րդ մրցանակաբաշխության ընթացքում՝ ուղիղ եթերում, դահլիճում համաշխարհային մեծության աստղերը Լոս Անջելեսում գործող հայկական «Big Mama's & Papa's Pizza» պիցցերիայի արտադրանքն են համտեսել: Այսօր արդեն համացանցում տեսանյութ է տարածվել, որտեղ այս պիցցերիայի սեփականատեր մեր հայրենակից Էդգար Մարտիրոսյանը, ով միաժամանակ Օսկարի բեմում պիցցա էր առաքել աստղերին, հանդես է եկել CNN-ի ուղիղ եթերում: Երիտասարդը նախ համեղ պիցցայով հյուրասիրել է հաղորդավարներին, այնուհետև  պատմել է, որ  Օսկարի բեմում նա հայտնվել է պատահականորեն և մինչև վերջին վայրկյանը չի իմացել այդ մասին: Էդգարի խոսքերով` հանդիսավար Հելլեն Դեջեներեսն ուղղակի իրեն ասել է. «Հետևիր ինձ»: