Հայկական բարեգործական ընդհանուր միության կազմակերպած՝ ՀՀ վարչապետի հետ հարց ու պատասխանի ժամանակ ՀՀ վարչապետ Կարեն Կարապետյանի հագ ու կապը հայտնվել է ֆեյսբուքյան քննարկումների կենտրոնում:
«Իմ տեսած ոչ թե առաջին վարչապետն, այլ ընդհանրապես ասուլիս տվող առաջին մարդն է, որին հաջողվել է այնպես անել, որ հագուստը խոսափողին բռնի...»,-գրել է հեռուստամեկնաբան Արմեն Դուլյանը:
Լրագրող Կիմա Եղիազարյանն էլ նման կերպ է արձագանքել. «Վարչապետի ժիլետը քեֆս բերեց... Օստապ Իբրահիմովիչի ժիլետը հիշեցի...»:
Ֆեյսբուքյան որոշ օգտատերեր հիշել են ՊՆ նախկին նախարար Սեյրան Օհանյանի տիկնոջը, ով , հիշեցնենք, ըստ տարածված լուսանկարների համադրության, այնպես էր անում, որ իր հագուստը «բռնի» ծաղիկների հետ:
Վարչապետի հագուկապի վերաբերյակ մեկնաբանությունից անմասն չի մնացել նաև «Նոր ժամանակներ» կուսակցության նախագահ Արամ Կարապետյանը՝ լուսանկարը տարածելով ու գրելով՝ «Գույնը...Միկրոֆոնն ու հագուստը...»:
