Այս տարվա առաջին եռամսյակում ֆուտբոլի ֆեդերացիայի   կողմից բաժանվել է մարզումների ժամանակ օգտագործվող անհրաժեշտ պարագաներ ՝ այդ թվում  հազար վաթսուն  հատ գնդակ: Գույքի 80 տոկոսից ավելին գնացել են մարզեր, ավելի կոնկրետ՝ գյուղական համայնքներ:

Այս մասին ֆեյսբուքյան իր էջում գրել էր  ֆեդերացիայի նախագահի խորհրդական Զոհրապ Եգանյանը ` նշելով, որ կունենանք  բազմաթիվ տաղանդավոր նոր ֆուտբոլիստներ  և տեսանյութ հրապարակելով, թե ինչպես են սահմանամերձ գյուղերում երեխաները ֆուտբոլ խաղում հոգևորականների հետ:

Տեսանյութի հեղինակ Անդրանիկ Մանուկյանն այն վերնագրել էր այսպես՝ Տավուշի մարզի հոգեւորական աշխարհն ու Մովսեսի երեխաներ: