▲ Դեպի վեր

lang.iso lang.iso lang.iso

Ինչո՞ւ է Օրբելյանն աշխատակիցներին ազատում աշխատանքից

Գրեթե երկու օր է շրջանառվում է, թե Ալ. Սպենդիարյանի անվան օպերայի և բալետի ազգային ակադեմիական թատրոնի տնօրենի ժամանակավոր պաշտոնակատար Կոնստանտին Օրբելյանն արդեն մեկ ամիս է ազատվում է թատրոնի հին կադրերից: Ըստ ասեկոսեների՝  միայն վերջին երկու շաբաթվա ընթացքում Օրբելյանը կադրային փոփոխությունների անվան ներքո ազատվում է լավագույն մասնագետներից` աշխատանքից հեռացնելով գրեթե տասնյակի հասնող աշխատակիցների` փոխտնօրեն Գայանե Նազարյանը, տնօրենի օգնական Թերեզա Բարսեղյանը, թանգարանի աշխատակից Նունե Համբարձումյանը, տնօրենի տեղակալ Հրաչ Գրիգորյանը, տնօրենի տեղակալ Նարեկ Անտինյանը, հսկիչ Արամ Պետրոսյանը , տնօրենի օգնական Եվա Հակոբյանը և սոցփաթեթների գծով պատասխանատու Լիլիթ Հովակիմյանը: Սակայն, ըստ օպերայի և բալետի ազգային ակադեմիական թատրոնի հանրային կապերի բաժնի տարածած հաղորդագրության, այն կատարվում է ընթացիկ աշխատանքային գործընթացը բարելավելու համար.

«Սպենդիարյանի անվան օպերայի և բալետի ազգային ակադեմիական թատրոնում ընթացիկ աշխատանքային գործընթացը բարելավելու, աշխատանքի արդյունավետությունը բարձրացնելու նպատակով թատրոնի վարչական կազմում որոշակի կառուցվածքային փոփոխություններ են իրականացվել: Նախկին աշխատակիցներից ոմանք, հասկանալի պատճառներով, օպտիմալացման արդյունքում այլևս չեն աշխատելու թատրոնում: Իհարկե, բարձր գնահատելով թատրոնի գործունեությանն իրենց աշխատանքային մասնակցությունը ցուցաբերած բոլոր գործընկերների վաստակը, պետք է փաստենք, որ թատրոնի գործունեության նոր կառուցվածքն այլևս չի նախատեսում նրանցից շատերի մասնակցությունը հետագա աշխատանքներում: Փաստ է, որ խորհրդային տարիներից մեզ հասած որոշ աշխատանքային մեխանիզմներ այլևս կիրառելի չեն և մշակութային կառույցների կառավարման ժամանակակից մոդելն այլ պահանջներ է ներկայացնում, որոնցով պարտավոր ենք առաջնորդվել` ի նպաստ օպերայի և բալետի թատրոնի հետագա զարգացման»,- նշված է հաղորդագրության մեջ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Բլոգ далее