Asekose.am-ի տեղեկություններով ՀՀ կառավարության Տեղեկատվության և հասարակայնության հետ կապերի վարչության պետ Հռիփսիմե Առաքելյանն արձակուրդից հետո աշխատանքից ազատման դիմում է ներկայացնելու:
Հռիփսիմե Առաքելյանը մարքեթինգի մենեջերի և PR պատասխանատուի աշխատանքի հրավեր է ստացել հորդանանյան հեղինակավոր կազմակերպություններից մեկում:
Լրատվական դաշտում աշխատանքային ու ստեղծագործական զգալի փորձ ունեցող Հռիփսիմե Առաքելյանը կառավարությունում աշխատանքի էր անցել 2016-ի դեկտեմբերին:
Հռիփսիմե Առաքելյանը վարժ տիրապետում է անգլերենին և արաբերենին:
Թե ով կլինի ՀՀ կառավարության Տեղեկատվության և հասարակայնության հետ կապերի վարչության նոր պետը հայտնի չէ, իսկ ՀՀ վարչապետի մամուլի քարտուղարը շարունակում է մնալ այս մայիսին նշանակված Արամ Արարատյանը, ով, ինչպես մամուլն էր բնորոշել, փորձի պակասով է ու ոչ հայտնի: