«Ձեզ չի՞ մտահոգում այն փաստը, որ այս պահին 4 բարձրաստիճան հոգևորական կալանավորված են»,- Այգեշատի եկեղեցու բակում հարց ուղղվեց Բալթյան երկրների թեմի առաջնորդ Վազգեն արքեպիսկոպոս Միրզախանյանին:

Արէեպիսկոպոսը պատասխանեց. «Շատ է մտահոգում, որովհետև նրանք մեր հոգևոր եղբայրներն ու ընկերներն են: Մենք ոչ միայն աղոթում ենք, այլ հավատում ենք, որ արդար դատավարություն կլինի և տղաները դուրս կգան: Ես դա չեմ կապում որևէ իշխանության հետ, ուղղակի ես ափսոսում եմ, որ դա տեղի է ունեցել, իրենք իմ ուսանողական ընկերներն են»:

***

«Մեր վարչապետից շնորհակալ ենք, որ այնքան ազնիվ գտնվեց, որ այն հարցերը, որոնք տարիներով գոյություն ունեին, բարձրաձայնեց»,- Այգեշատի եկեղեցում լրագրողների հետ զրույցում ասաց Բալթյան երկրների թեմի առաջնորդ Վազգեն արքեպիսկոպոս Միրզախանյանը՝ անդրադառնալով 10 եպիսկոպոսների՝ վարչապետի եկեղեցու դեմ կոչերին միանալուն: «Մենք ոչ թե այդքան միացել ենք, այլ իր աջակցությունն ենք ստացել, որովհետև խնդիրները մեր հոգևոր անվտանգությանն են վերաբերում: Մենք միշտ այդ հարցերը բարձրաձայնել ենք: Ինչ վերաբերում է մեզ միացողներին, լուռ մենք շատ միավորվողներ ունենք»,- ընդգծեց Վազգեն արքեպիսկոպոսը:

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «Կառավարիչը շաբաթ օրվա ընթացքում ահագին «գործ» էր արել, հիմա էլ ինքնագոհ ավանդական հյուրախաղերի է գնացել:
Առաջին, Արագածոտնի թեմի առաջնորդի ապօրինի կալանավորումը 2 ամսով երկարաձգեց:
Քաղաքական գործիչ Միհրան Հակոբյանի վրա հարձակված բանդայի անդամներին դատարանի դահլիճից տուն ճամփեց:
Երեկ երեկոյան էլ տիկնիկայինի տխրահռչակ տնօրենին ծաղրի երեկոյի ուղարկեց:
Արևմտյան համապատասխան կառույցների, դեսպանատների պատասխանատուներն էլ խուլ ու համրի կարգավիճակով անկյունում լուռ ծխում են»: