Հրայրն առաջին անգամ փորձարկում է ձեռքի բիոնիկ պրոթեզը
Զինվորի տանը մեկնարկել է պրոթեզավորման ծրագրի առաջին փուլը: Մասնագետները գնահատում են ձեռքի ամպուտացիաներ ունեցող զինվորների ֆունկցիոնալ վիճակը, որպեսզի պրոթեզները լինեն յուրաքանչյուր զինվորի անհատական կարիքներին ու կարողություններին համապատասխան:
Հրայրը պատերազմի ժամանակ պաշտպանել է Ջրականի դիրքերը: Հակատանկային իր զենքով՝ ֆագոտով, թշնամու 4 տանկ է խոցել: Վիրավորվել է հոկտեմբերի 4-ին՝ կորցրել է ձեռքը: Այժմ Հրայրը վերականգնվում է զինվորի տանն ու պատրաստվում ձեռքի պրոթեզավորմանը: Ինչպես Հրայրին, այնպես էլ մեր բոլոր վիրավոր տղաներին, ովքեր ունեն ձեռքի և ոտքի ամպուտացիաներ, տրամադրելու ենք լավագույն, գերժամանակակից պրոթեզներ: