Առողջապահական և աշխատանքի տեսչական մարմնի հրապարակումն այն մասին, որ ՀՀ սահմանային անցակետերում գրանցվել է վարակիչ հիվանդության կասկածով մի քանի անձանց մուտքը երկիր, մի շարք լրատվամիջոցներում տարածվել է ոչ ճիշտ վերնագրով։
Այս մասին պարզաբանում է տարածել առողջապահության նախարարությունը: Հաղորդագրության մեջ մասնավորապես նշված է.
«Այս առումով հայտնում ենք, որ ՀՀ մուտք գործողները ոչ թե «տառապել» են որևէ վարակիչ հիվանդությամբ կամ ունեցել են որևէ ախտորոշում, ինչպես թյուրիմացաբար նշել են լրատվամիջոցները, այլ տվյալ անձանց մոտ գրանցված կլինիկական ախտանշանները կարող են վկայել որևէ վարակիչ հիվանդության առկայության մասին»:
Կարդացեք նաև՝ Անցակետերում գրանցվել է վարակիչ հիվանդության կասկածով մի քանի անձանց մուտքը երկիր
