Հերթական վեճը լրագրողների միջև` այս անգամ` Պետրոս Ղազարյան-Գագիկ Շամշյան:
Հեռուստամեկնաբան Պետրոս Ղազարյանը ֆեյսբուքյան իր էջում գրել էր` Հարգելի ոստիկանություն, շատ էլ, որ մեր ազգանունը Շամշյան չի և ուղիղ կապ չունենք ձեր հետ, ուրեմն պետք է խոչընդոտե՞ք մեր աշխատանքին:
Ստորև Ներկայացնում ենք Գագիկ Շամշյանի պատասխանը` առանց խմբագրելու.
Հարգարժան Պետրոս, Ձեր նյութի վերջում խոսում եք լրագրողի պարտականությունների խոչընդոտման անթույլատրելիության մասին, միևնույն ժամանակ, սակայն, ինձ եք վիրավորում: Բոլորը տեղյակ են, որ ես ունեմ ուրույն աշխատաոճ, որը Դուք դժվար ըմբռնեք, քանի որ ինքնակոչ լրագրող եք և չեք սերտել անգամ լրագրողական այբուբենը: Երևի նեղացել եք նաև, որ չեմ ընդունել համագործակցելու Ձեր առաջարկը: Եթե ծանոթ չլինեի ֆիզիոլագիական Ձեր տվյալներին, կասեի՝ <Պետրոս ջան, մի նեղացիր, փորձիր լենանաս>: Բայց գիտեմ, որ էդ ժամանակ եթեր դուրս գալն արդեն պրոբլեմատիկ կլինի, իսկ ես, ի տարբերություն Ձեզ, դիմացինին երբեք վատը չեմ ցանկանում: Այնպես որ, սառը ջուր խմեք և հանգստացեք:
