Հունգարիայի Դյոռ քաղաքում ավարտվել է ազատ ոճի ըմբշամարտի դպրոցականների Եվրոպայի առաջնությունը։ Հայաստանը ներկայացնող ազատ ոճի ըմբիշները 3 մեդալ են նվաճել։

48 կգ քաշային կարգում Եվրոպայի չեմպիոն է հռչակվել Մուշեղ Մկրտչյանը։ Նա եզրափակչում 4:1 հաշվով առավելության է հասել թուրք Մետին Կարաբեյիկի նկատմամբ։ Բրոնզե մեդալներ են նվաճել 44 կգ քաշային Վարդան Ամիրխանյանը և 62 կգ քաշային Դավիթ Մարգարյանը։ Նրանք հաղթել են համապատասխանաբար Ադրբեջանի և Իսրայելի ներկայացուցիչներին։

Այսօր պայքարի մեջ են մտել հունահռոմեական ոճի ըմբիշները։