Լրագրող Ռուզան Խաչատրյանը ֆեյսբուքյան իր էջում գրել է․
Նոյն իջավ Արարատից. Հովոյի (Հովհաննես Իշխանյան) ու Նատայի (Նատալյա Սարջանյան) այս նկարն ինձ ի սկզբանե այդ պատկերն է ուրվագծել․․․ Լավ դե, մամա եմ, իմ երեխեքը, իմ Նոյը, իմ Արարատը, թող ընձյուղվեն, բազմանան Արարատի փեշերին ու շուրջը․․․ Հարսանիքը երեխեքը որոշել են Արցախում անել։
Հովհաննես Իշխանյանը Նատալյա Սարջանյանին ամուսնության առաջարկ է արել հոր՝ Վահան Իշխանյանի «Դառը ծով» գրքի շնորհանդեսի ժամանակ։
Հովհաննես Իշխանյանը ներկաների առջեւ հրապարակային ամուսնության առաջարկ արեց հանրային կապերի մասնագետ Նատալյա Սարջանյանին ու ստանալով համաձայնությունը՝ խորհրդանշական մատանի դրեց նրա մատին։
Հովհաննեսն ու Նատալյան ծանոթացել են Արցախի հետ կապված ծրագրերի շրջանակներում։
