Շոու-բիզնեսյան քննարկման օրվա թիվ մեկ թեման այն էր, որ հեռուստահաղորդավար, ռեփեր Ֆելիքս Խաչատրյանի սիրտն այլևս զբաղված է: Ու թեև հեռուստահաղորդավար ռեփերը չի պատասխանում հեռախոսազանգերին ու որևէ մեկնաբանություն չի տալիս իր և ներկայիս ընկերուհու` նկարչուհի Գոհար Պարույրյանի հարաբերույթունների մասին, այնուամենայնիվ, esyes.am-ին հաջողվել է գտնել ու կապ հաստատել Գոհարի հետ, ով ասել է, որ Ֆելիքսի հետ լ շատ ավելի վաղուց են ընկերություն անում` չցանկանալով, սակայն, հստակ ժամկետ նշել:
Ի դեպ, երբ թղթակիցը զանգահարել է Գոհարին, նա այդ ժամանակ էլ Ֆելիքսի հետ է եղել և խոստովանել է, որ Ֆելիքսն արգելում է որևէ մեկնաբանություն տալ: «Մենք վաղուց պայմանավորվել ենք, որ չենք խոսելու անձնականի մասին»,- ասել է Գոհարը:
Իսկ երբ լրագրողը փորձել է ճշտել` արդյոք առաջիկայում ծրագրում են ամուսնություն կամ նշանադրություն, Գոհարը սիրալիր պատասխանել է. «Այդ հարցերով զանգեք Ֆելիքսին, էլի»:
Հիշեցնենք, որ Դելոյի` երեկ կայացած հարսանիքին Ֆելիքս-Գոհար զույգը քավորն ու քավորկինն էր. հնարավոր է սեպտեմբերին Ֆելիքսն ու Գոհարը օրինականացնեն իրենց հարաբերությունները:
