«Երեկ արդեն հստակ խոսակցություններ կային Կոտայքի 13 տարվա մարզպետ Կովալենկո Շահգալդյանի պաշտոնանկության մասին։ Մարզի գյուղապետերն էին միմյանց շնորհավորում և սպասում նոր մարզպետ Արամ Հարությունյանին՝ բնապահպանության նախկին նախարարին։
Ի տարբերություն Կոտայքի, Արմավիրում են անչափ անհանգիստ. գործողի՝ Աշոտ Ղահրամանյանի ամենահավանական փոխարինողն այստեղ գեներալ Մանվել Գրիգորյանի որդի, Էջմիածնի քաղաքապետ Կարեն Գրիգորյանն է։
Երեկ մարզից լուր ստացանք, որ մոտ 70 գյուղապետեր հավաքվել և որոշել են նամակ ուղարկել Սերժ Սարգսյանին։ Նրանք կարծում են, որ Կարեն Գրիգորյանի մարզպետ կարգվելուց հետո մարզում ամբողջությամբ ստրկատիրական կարգեր կհաստատվեն՝ ինչպես այժմ Էջմիածնում է։ Օրինակ, Գրիգորյանները կստիպեն, որ ցանկացած մանկապարտեզ իրենց հացը գնի, ցանկացած խանութ իրենց արտադրություններին առաջնահերթություն տա»,–գրում է թերթը։
Շարունակությունը և ուշագրավ այլ հոդվածներ` «Հրապարակ» թերթի այսօրվա համարում
