Newsbook.am-ը գրում է. Երեկ խորհրդարանի ղեկավար Գալուստ Սահակյանը շնորհավորել է ՀՀ ԱԺ աշխատակազմին:
«Տա Աստված այս տարին ավելի լավը լինի ձեզ համար, հայ ժողովրդի համար նոր ձեռքբերումների տարի լինի, մեր երեխաներն ավելի լավ ապագա ունենան»,- ասել է Գալուստ Սահակյանը Աշխատանքային պարտականությունները բարեխիղճ կատարելու համար ՀՀ ԱԺ պատվոգրով, ՀՀ ԱԺ նախագահի հուշամեդալով, ՀՀ ԱԺ նախագահի շնորհակալագրով և ՀՀ ԱԺ նախագահի հուշանվերով` անվանական ժամացույցով, պարգևատրվել են ԱԺ նախագահի աշխատակազմի և ԱԺ աշխատակազմի բազմաթիվ աշխատակիցներ:
Գալուստ Սահակյանը չի մոռացել պարգևատրել նաև իր վարորդին` Հովհաննես Ծերունյանին, ով ամեն օր բարեխղճորեն ապահովում է Սահակյանի անվտանգ երթևեկությունը:
Եթե պարգևատրումները այս տրամաբանությամբ շարունակվի ապա խորհրդարանի ղեկավարը առաջիկայում կարող է բարձր պարգևների արժանացնել նաև իր հետ ամեն օր թղթախաղ խաղացող ընկերներին և հատուկ շնորհակալություն հայտնի իր հետ խաղընկեր լինելու համար:
Նշենք, որ ԱԺ հասարակայնության հետ կապի և լրատվության վարչությունից տեղեկացրին, որ Ծերունյանը ԱԺ աշխատակզմում գրանցված է որպես վարորդ:
Նյութը` սկզբնաղբյուր կայքում