Ֆրեզնոյի Սուրբ Երրորդություն Մայր Եկեղեցում դեկտեմբերի 4-ին տեղի է ունեցել արվեստագետ Արև Պետրոսյանի նկարների ցուցահանդեսը:
Ցուցահանդեսը տեղի է ունեցել հայ գաղթօջախի նվիրյալներ Ֆիլիպ և Ֆլորենս Փառնաքեանների ու Տէյվիտ և Լինտա Յովհաննէսեանների հովանավորությամբ:
Ներկայացված 13 գեղանկարները նախատեսված էին հենց այս ցուցահանդեսի համար:
Բացման խոսքով հանդես է եկել Էրըն Փառնաքեան-Մելքոնեանը, ով ներկայացրել է արվեստագետին:
Իր խոսքում Արև Պետրոսյանը նշել է, որ այս ցուցահանդեսն իր համար յուրահատուկ նշանակություն ունի, քանի որ այն կամուջ է հայրենի մշակույթի և ԱՄՆ ամենահին հայկական գաղութի՝ Ֆրեզնոյի միջև:
Արև Պետրոսյանն իր գործերից երկուսը նվիրել է Ս. Երրորդություն մայր եկեղեցուն, իսկ նկատի ունենալով, որ ծիսական համայնքն առաջիկա տարվա ընթացքում նշելու է եկեղեցու 100-ամյակը, խոստացել է սրահի պատը զարդարել նոր գեղանկարով:
