Blognews.am-ը զրուցել է ՀՀ արդարադատության նախարար Արփինե Հովհաննիսյանի հետ: Զրույցից մի հատված ներկայացնում ենք ստորև:
Ամենագեղեցիկ քաղաքական գործիչների շարքում ներառված լինելը չի պարտավորեցնում
Հարցին, թե Արփինե Հովհաննիսյանը դիմահարդարվում է արդյոք աշխատասենյակում, տիկին նախարարը ժպտալով պատասխանեց.
«Լինում են օրեր, որ այստեղ եմ դիմահարդարվում, լինում են նաև օրեր, որ ընդհանրապես չեմ դիմահարդարվում»:
Այն փաստը, որ իրեն հաճախ են ներառում աշխարհի ամենագեղեցիկ երիտասարդ քաղաքական գործիչների շարքերը, չի պարտավորեցնում միշտ դիմահարդարված լինել:
«Այդ ամենին վերաբերվում եմ պարզապես որպես մի փաստի: Իհարկե հաճելի է, բայց միայն այդ հրապարակումները չեն, որ ինձ պարտավորեցնում են միշտ գեղեցիկ և խնամված լինել: Ես այնպիսին եմ, ինչպիսին կամ, դա իմ էությունն է, ես պետք է ներդաշնակ լինեմ ինքս ինձ հետ»:
Ես կարծրատիպեր եմ կոտրել և ինձանից հետո եկողների համար ճանապարհ հարթել
Հայաստանում իրականությունը միշտ ավելի առաջ է, քան վերաբերմունքը: Գուցե տեսակիս պատճառով ես քաղաքականության մեջ ամենից շատ քննարկված մարդկանցից մեկն եմ: Քննարկվել եմ երիտասարդության, արտաքին տեսքիս և սեռիս պատճառով: Ինձանից հետո շատ ավելի հեշտ է դարձել այս նույն ճանապարհով անցնելը: Ես հայ հասարակության մեջ քաղաքականությամբ զբաղվող կնոջ կերպարի վերաբերյալ կարծրատիպեր եմ կոտրել: Ինքս էլ չեմ գիտակցել, թե ինչ մեծ և ծանր բեռ եմ իմ ուսերին վերցնում: Բայց արդյունքում վերցրել եմ և փորձել չտատանվել որոշմանս մեջ: Ինձ համար մոտիվացիա է եղել, որ ես ինչ-որ մեկի համար լավ բան եմ անում, ինչ-որ բան եմ փոխում, համակարգ եմ փոխում: Երբեք չեմ հիասթափվել և փոշմանել, միայն հոգնել եմ, ինչն էլ տևել է շատ կարճ:
Առավել մանրամասն` սկզբնաղբյուր կայքում
Կարդացեք նաև`Չեմ կարող դրանք լուռ կուլ տալ. Արփինե Հովհաննիսյան
Շատ տղամարդիկ կարծում են, որ իրենք տղամարդ են, քանի որ կին չեն. Արփինե Հովհաննիսյան