Դեռ ամիսներ առաջ տեղեկացրել էինք փղախտով հիվանդ երևանցի տղայի՝ Աշոտ Գրիգորյանի խնդրի մասին, որը, սոցիալական վատ վիճակի պատճառով, չի կարողանում օգտվել բժշկական նորմալ և անհրաժեշտ ծառայություններից:
Ֆեյսբուքյան օգտատերերից մեկը՝ Արսեն Չաչոյանը կրկին անդրադարձել է երիտասարդին օգնելու անհրաժեշտության թեմային՝ գրելով. «Ժողովուրդ ջան, խնդրում եմ եկեք էս մարդուն օգնենք, եթե ձև ունենք բարերար գտնելու՝ եկեք անենք։ Չեմ կարողանում նայեմ կամ ուղղակի գումար տամ ու անցնեմ։ Ես հարցրեցի իրեն՝ ինչ հիվանդություն ա մոտը, ասեց փղախտ է մոտս ու մարդիկ չեն ուզում ինձ օգնեն։ Ասեց վիրհատվելու համար էլ գումար չունեմ ու բարերար էլ չկա․․․Իր մոտ արդեն հոգեբանական շատ բարդ պահեր կան։ Ես չգիտեմ ում կարելի ա դիմել, որ օգնեն վիրահատեն էս մարդուն․․․»:
