«Էս ինչ ռեկլամ արիր Հռիփսիկ ծյոծյային, քո փայն ինչքա՞ն ա լինելու: Շնորհավոր տիկին Հռիփսիկի Ամանորն ու Սուրբ Ծնունդը, տիկին Զոհրաբյան»,- այսպես է արձագանքել ԱԺ փոխնախագահ Էդուարդ Շարմազանովը ԲՀԿ խմբակցության ղեկավար Նաիրա Զոհրաբյանի ելույթին, ով, դիմելով Ֆինանսների նախարարի տեղակալ Արմեն Հայրապետյանին, մասնավորապես, հայտարարել էր. «Այսինքն, աստղերը լավ կդասավորվեն, կառավարության անդամները կգնան մոմ թափողի մոտ, գրբացի մոտ, լավ կլինի իրանց էդ օրը, կլինի տնտեսական աճ: Գրագետ տնտեսական քաղաքականություն, վստահելի իշխանություն, մենաշնորհի դեմ պայքար առ ոչինչ է, կարեւորը հաջողությունն է: Հուշում եմ հասցեն` 3-րդ մաս, Հռիփսիկ ծյոծյա, լավ մոմ ա թափում, գնացեք Կառավարությամբ, թող մոմ թափի, բախտ բացի, բախտ նայի»:
Աղբյուրը՝ news.am