Անցած տարի հայտնի երգչուհի Բեյոնսեի մենահամերգի ժամանակ տեղի ունեցած դեպքից հետո երգչուհու 2 երկրպագու որոշել են դատի տալ նրան: Բանն այն է, որ Բեյոնսեի համերգի ժամանակ հանդիսատեսը բառացիորեն ոտնատակ է արել նրանց:
Աղջիկները` Ռաքել Կաստելանոսը և Գաբրիելա Դևիդսոնը, պատմել են, որ անցյալ տարվա դեկտեմբեր ամսին հատուկ մեկնել էին Չիկագո՝ մասնկացելու իրենց կուռքի համերգին: Աղջիկները նշել են, որ իրենք գնել էին լավագույն տոմսերը և նախօրոք էին եկել, որպեսզի առաջինը մոտենան բեմին, սակայն երբ դռները բացվել են, ամբոխն այնքան մեծ է եղել, որ ոտնատակ է տվել իրենց:
Դեպքից հետո երկրպագուհիները կոտրվածքներով և այլ վնասվածքներով հայտնվել են հիվանդանոցում: Ըստ նրանց` միջադեպի պատճառը համերգի սխալ կազմակերպումն էր, այդ իսկ պատճառով որոշել են դատի տալ հենց Բեյոնսեին և նրա թիմին:
