Միացյալ Նահանգների Սենատը քվեների 92 կողմ 5 դեմ հարաբերակցությամբ, Քուրթ Քեմփբելին հաստատել է պետքարտուղարի առաջին տեղակալի պաշտոնում։ Քեմփբելն այս պաշտոնում կփոխարինի Վիկտորիա Նուլանդին։ Պետքարտուղար Էնթոնի Բլինքենի նորանշանակ տեղակալը 2021 թվականից զբաղեցնում էր ԱՄՆ-ի Ազգային անվտանգության խորհրդի՝ Հնդկական և Խաղաղօվկիանոսյան տարածաշրջաններում համակարգողի պաշտոնը։ Քեմփբելի պաշտոնական կենսագրության համաձայն, 67-ամյա դիվանագետը երիտասարդ տարիներին, ուսանողների փոխանակման ծրագրի շրջանակներում, որոշ ժամանակ ուսանել է Խորհրդային Հայաստանում՝ Երևանի պետական համալսարանում երաժշտություն և քաղաքական փիլիսոփայություն ուսումնասիրելով, գրում է «Ազատությունը»։ |
ԵՊՀ շրջանավարտը նշանակվել է ԱՄՆ առաջին փոխպետքարտուղար
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Tweet