ԱԺ-ում այսօր թեժ էր...««Հաց բերող» Արթուր Սարգսյանի մասին ողջ համացանցն է խոսում, որ նա առողջական ծանր վիճակում է, անօգնական է»,-  հայտարարեց ՕԵԿ խմբակցության ղեկավար Հեղինե Բիշարյանն ու  դիմելով  ԱԺ նախագահ Գալուստ Սահակյանին, հարցրեց. «Ինչպիսի՞ քննարկումներ եք ունեցել, ինչո՞ւ է մինչև օրս ձերբակալված, ի՞նչ հանցագործություն է արել, որի համար մինչ օրս տառապում է»:ԱԺ նախագահ Գալուստ Սահակյանը՝ հավաստիացրեց, որ իրենք ևս ուզում են, որ «Հաց բերողն» ազատվի: Իսկ Երբ ՀՀԿ խմբակցության անդամ Խոսրով Հարությունյանը սկսեց խոսել ընտրակաշառքից ու որպես օրինակ բերեց Գյումրիում անցկացված ՏԻՄ ընտրությունները՝ ասելով, թե առանց բացառության բոլոր քաղաքական ուժերը կաշառք են բաժանել, Նիկոլ Փաշինյանը տեղից բղավեց՝ ասելով. «Էդ բոլոր բացառությունները դուք եք, ու բոլորի մասին մի ասեք էդպես»: «ՀԱԿ-ը հաստատ ընտրակաշառք չի բաժանել»,- նկատեց ՀԱԿ խմբակցության ղեկավար Լեւոն Զուրաբյանը: