Չնայած այն բանին, որ այս տարի «Եվրատեսիլ 2014 երգի մրցույթում գրեթե բոլորի ուշադրությունը սևեռված է ամենասկանդալային մասնակիցներից մեկի` Կոնչիտա Վուրստի վրա, սակայն դա չի նշանակում, որ մյուս մասնակիցները զերծ են մնացել սկանդալներից:
Այս անգամ մրցույթի առաջին կիսաեզրափակիչ փուլի ընթացքում ուշադրության կենտրոնում են հայտնվել Ռուսաստանը ներկայացնող Տոլմաչևա քույրերը:
Այն պահին, երբ հայտարարվել է, որ նրանք անցել են եզրափակիչ փուլ, դահլիճի ծափահարությունները վերափոխվել են գոռոցների, սուլոցների և արհամարհական «բուուուու»-երի:
Չնայած այս ամենին` աղջիկները կարողացել են իրենց արժանվույն դրսևորել և ուշադրություն չդարձնել այդ ամենին:
Հիշեցնենք, որ սա միակ սկանդալը չէ կապված քույրերի հետ: Գերմանիայում մրցույթը ցուցադրող հեռուստաընկերությունը կիսաեզրափակիչ փուլում Տոլմաչևա քույրերի ելույթի ժամանակ նախընտրել էր գովազդային դադար ունենալ, ինչը Ռուսաստանում բավական մեծ քննարկումներ ու քննադատություններ էր առաջացրել:
