jfhr.am. ՀՀ պատժի առավելագույն չափի դատապարտյալ Արմենակ Լևոնի Մնջոյանը բաց նամակ է հղել Հայաստանի Հանրապետության Արդարադատության նախարար Հրայր Թովմասյանին:
Նամակում մասնավորապես նշված է.
«11. Փրկի՛ր նրանց, ում մահվան են տանում, և ոչինչ մի՛ խնայիր մահապարտներին փրկագնելու համար: 12. Բայց եթե ասես, թե՝ «ես նրան չեմ ճանաչում, ոչ էլ նա՝ ինձ»,-ապա իմացի՛ր, որ Տերը ճանաչում է բոլորի ստերը և նա, որ ստեղծեց բոլորի շունչը, ճանաչում է բոլորին և իւրաքանչիւրին» հատուցելու է ըստ նրա գործերի:» (Աստվածաշունչ. Առակներ 24 երեսուն իմաստուն խոսքեր 25):
Պարոն նախարար՝
Ձեր պաշտոնավարման առաջին իսկ օրից՝ 2010.12.17 առ այսօր, Դուք առաջնորդվել եք «Ես նրան չեմ ճանաչում» աստվածամերժման սկզբունքով և Ձեր կրիմինալ ստեղծագործական խոշտանգումների արդյունքում, շարունակաբար, դաժանաբար և տարբեր միջոցներով սպանում եք դատապարտյալներին, միևնույն ժամանակ հանրության առջև հանդես գալով որպես սրտացավ, բարեպաշտ և ամենայն փրկիչ նախարար:
Պարոն Հրայր, արդեն ժամանակն է, որ սույն նամակս ստանալուն պես ներկայանաք ՀՀ նախագահին հրաժարականով, պատճառաբանությամբ, ինչպես ՊԱՉ-ի դատապարտյալներ՝ Ռ. Օսիպյանի,Մ. Սեմիրջյանի, և այլոց դաժանաբարո սպանությունների, նույնպես էլ սույն թվականի հունիսի 20-ին պատժախցում կախվելու միջոցով «ինքնասպանության» ենթարկված 22-ամյա Մանվել Հազրոյանի փաստարկները:
Եվ քանի դեռ դուք Տիրոջ կամոք դեռևս ողջ և առողջ շրջում եք Վահան Հովհաննիսյանի «մութ դալաններով», շտապեք ապաշխարելու և ամեն մի օր ապրեք այնպես, ինչպես վերջին օր...
Թող Տերը փրկի Ձեր ողորմելի հոգին»
Աղբյուր` jfhr.am
