Այսօր ԱԺ արտահերթ նստաշրջանն ավարտվեց: ԱԺ նախագահ Գալուստ Սահակյանը մի քանի անգամ խնդրեց պատգամավորներին չբացակայել նիստերի դահլիճից` նշելով, որ նիստը կարճ է տևելու, բայց քվեարկություններ ունեն, պետք է պատագամվորներն անպայման ներկա լինեն:
Մինչ Գալուստ Սահակյանը ՀՀ վարչապետի կողմից ստացված գրությունն էր ընթերցում, դահլիճում պատգամավորներն աղմկում էին:
Գալուստ Սահակյանը դիտողություն արեց. «Ձայները կտրեք և լսեք», ապա դահլիճում ներկա գտնվողներ պատգամավորներին հորդորեց սպասել ուշացող պատգամավորներին` քվեարկությունը սկսելու համար. «Դուք համբերեք, մինչեւ պատգամավորները կհավաքվեն»:
Սակայն պատգամավորները շարունակում էին աղմկել: Գալուստ Սահակյանը բարկացավ. «Մի րոպե հնարավոր չի՞, դա ո՞վ է որ, այ քեզ բա՜ն»: Առաքել Մովսիսյանը՝ Շմայսը, փորձեց ճշտել. «Ո՞ւմ մասին ա խոսքը»:
Գալուստ Սահակյանն էլ պատասխանեց. «Քո չէ, էն մյուսի»:
