forrights.am-ը գրել է. Ճանաչված հայ և ուկրաինացի նկարիչ Բորիս Եղիազարյանը ընտանեկան հանգամանքների բերումով տարիներ առաջ բնակություն հաստատեց Ուկրաինայի մայրաքաղաքում:
Նա այս օրերին Կիևի Մայդանում ծավալվող իրադարձությունների կիզակետում է, շարժման ակտիվ մասնակիցներից: Նոյեմբերի 30-ի գիշերը Մայդանը գրոհած «Բերկուտ» հատուկ ջոկատայինների կողմից գազանաբար ծեծի ենթարկվածներից մեկն է:
Բորիսը նաև Ուկրաինայի նարնջագույն հեղափոխության ակտիվ մասնակիցներից էր:
Մինչ Ուկրաինա տեղափոխվելը, նա Հայաստանում 88-ի շարժման ակտիվ մասնակիցներից էր, կանգնած է եղել Հայաստանի անկախացման համար պայքարի ակունքներում և մեծ ներդրում է ունեցել այդ գործում:
Տեսանյութում Բորիսը պատմում է ուկրաինական հզոր շարժման, Մայդանում ծավալվող իրադարձությունների, համեմատականներ է տանում 2008թ-ին Հայաստանում նախագահական ընտրություններից հետո Լևոն Տեր Պետրոսյանի գլխավորած շարժման և Հայաստանի Մայդանի մասին և թե ինչպես Ռոբերտ Քոչարյանը ավերեց հայկական Մայդանը:
Ժաննա Ալեքսանյան
Առավել մանրամասն՝ սկզբնաղբյուր կայքում
Տեսանյութը՝ Ազատություն ռադիոկայանի ուկրաինական գործակալության
