Երևան քաղաքի Արաբկիր վարչական շրջանում՝ Բաբայան փողոցի և Ազատության պողոտայի խաչմերուկին հարող տարածքում, հանրային միջոցների հաշվին կառուցված «Մոնումենտի անտառում» կառուցվող դղյակ-ամրոցները, համաձայն լրատվամիջոցներով և սոցիալական ցանցերով շրջանառվող լուրերի՝ պատկանում է Հայաստանի բարձրաստիճան մի քանի պաշտոնյանների:
«Երկիր Ծիրանի» կուսակցության ղեկավար Զարուհի Փոստանջյանի տեղեկատվություն ստանալու հարցումը ՀՀ վարչապետ Կարեն Կարապետյանին՝ «Դուք երազե՞լ եք «Մոնումենտի անտառում» ունենալ դղյակ-ամրոց» վերնագրով, մեզ հիշեցրեց ռաբիս մի կատարում՝ «Աշխարհումս ինչ կուզեի, Մոնումենտի բաղի միջին արքայական տունս լիներ...»:
Առաջարկում ենք այդ երգը լսել՝ «Մոնումենտի անտառը» թռչնասլաց բարձրությունից տարբեր լրատվականների կողմից նկարահանած կադրերի զուգորդման և գուշակել, թե պաշտոնյաններից ո՞վ արդեն արքայական տուն ունի «Մոնումենտի բաղում»: