Մշակութային ոլորտում պարգևատրումները սկսել են ավելի հաճախակի դառնալ: Այս պարգրատրումները, սակայն, արժանանում են ինչպես գովասանքի,այնպես էլ դժգոհությունների: Հանդիսատեսի ու մշակույթի ներկայացուցիչների մի մասը կարծում է, որ պարգևատրվողներից շատերը արժանի չեն այս կամ այն պարգևին, քանի որ այն արվում է ծանոթ-բարեկամ միջնորդությամբ, իսկ իսկապես արժանիներն այդպես էլ անտեսված են մնում:
Asekose.am-ի թղթակցի հետ զրույցում այս հարցով իր դժգոհությունն է հայտնել նաև Կատարողական արվեստի համաշխարհային ասսոցիացիայի նախագահ Արման Ղուկասյանը:
Երկար տարիներ արտերկրում «Gold stars»-ն ու Կատարողական արվեստի համաշխարհային ասսոցիացիան(WAPA) բարձր են պահել Հայաստանի պատիվը: Հայաստանը ներկայացնող մեր մասնակիցները` երգիչ-երգչուհիները, պարողներն ու երաժիշտները, մշտապես վերադարձել են «Գրան պրի»-ներով և «Առաջին մրցանակ»- ներով: Երգիչներ ունենք, ովքեր 3 տարի շարունակ անընդհատ «Գրան պրի» և «Առաջին մրցանակ»-ներ են բերում Հայաստանին: Ամեն մեկը 6-ից ավել հաղթանակ ունի: Մինչ այժմ որևէ ուշադրության չեն արժանացել»-ասաց Արման Ղուկասյանը:
Մեր զրուցակիցը նշեց, որ ի տարբերություն Հայաստանի, արտերկրում իրենք գնահատված են: Տարբեր երկրների կողմից պարգևատրվել են և՛ դիպլոմենրով, և՛ ոսկե մեդալներով, և՛ խրախուսանքի են արժանացել, ներկայացվել են լավագույն ձևով:
WAPA-ի նախագահ Արման Ղուկասյանը Իտալիայում պարգևատրվել է Հռոմի պապ Ֆրանցիսկոսի Ոսկե մեդալով, Ռուսաստանում՝ Վլադիմիր Պուտինի դիպլոմով և «Մալթյան խաչ» շքանշանով:
Մեր զրուցակիցը նշեց, որ արտասահմանում այն կապերը, որ ունի իրենց կազմակերպությունը, շատ լուրջ ծրագրերի առիթ կարող է դառնալ Հայաստանում, այդ թվում տուրիզմի ոլորտում: Այդ ամենի համար հարկավոր է սեփական երկրի աջակցությունը, չնչին հովանավորչությունը, որը մինչ այժմ չի կատարվել:
«Հայրենիքի կողմից անտեսված ու չգնահատված լինելու փաստն ինձ համար վիրավորական է, սակայն դա չի խանգարում, որ ես շարունակեմ իմ գործունեությունն ու Հայաստանի դրոշը մշտապես բարձր պահել օտար հողում»,-շեշտեց Արմանը:
