UFC-ի թեթև քաշային կարգում երկրորդ համար վարկանիշ ունեցող Արման Ծառուկյանը YouTube-ի Full Send Podcast ալիքին տված հարցազրույցում խոսել է իր ամսական ծախսերի մասին։

Նրա խոսքով՝ դրանք կազմում են մոտավորապես 500–700 հազար դոլար։

Մարզիկը նշել է, որ յուրաքանչյուր ամիս գնում է ժամացույց՝ ըմբշամարտի կամ գրեփլինգի մրցումներից հետո, և մեկ ժամացույցի արժեքը կազմում է շուրջ 250 հազար դոլար։ Մնացած գումարը ծախսվում է այլ կարիքների վրա՝ ներառյալ ճաշեր թանկարժեք ռեստորաններում, մասնավոր ինքնաթիռներով ճանապարհորդություններ և այլ ծախսեր։

Ծառուկյանը 29 տարեկան է, ծնվել է Երևանում, ունի հայկական և ռուսական քաղաքացիություն։ Նրա հաշվին կա 23 հաղթանակ և 3 պարտություն MMA-ում։ Մարզիկի հայրը՝ Նաիրի Ծառուկյանը, շինարարական ոլորտում զբաղվող գործարար է։

Դիտեք նաև՝