Life.panorama.am-ը գրում է. Քիչ առաջ հայտնի է դարձել, որ ռեժիսոր Արեն Բայադյանին կոտրվածքներով գտել են Հրազդանի կիրճում եւ տեղափոխել հիվանդանոց։ Լուրը հաստատել են նաեւ Ոստիկանության Լրատվության եւ հասարակայնության հետ կապերի բաժնից, ըստ որի մայիսի 21–ին ժամը 20–ի սահմաններում ոստիկանություն ահազանգ է ստացվել, որ Սուրբ Սարգիս եկեղեցու կողմից Հրազդանի կիրճ մարդ է ընկել։ Մեկնած խումբը պարզել է, որ վայր ընկած քաղաքացին հանդիսանում է Արեն Բայադյանը։ Նա Շտապ օգնության մեքնայով տեղափոխվել է հիվանդանոց։ Նշանակվել է դատաբժշկական քննություն:
Կայքը Արեն Բայադյանի հեռախոսահամարին զանգահարելով, կապ հաստատեց նրա կնոջ հետ: Վերջինս մեզ հետ զրույցում հուզված նշեց.
«Դժբախտ պատահար է եղել, Արենը վայր է ընկել: Ես ամեն ինչ հայտնել եմ ոստիկանությանը, մնացած տեղեկությունները հենց նրանք կտարածեն»:
Հարցին, թե դեպքի շարժառիթները որո՞նք են եւ արդյոք դա դիտավորյալ քայլ չէ, ռեժիսորի կինը պատասխանեց.
«Կարծում եմ՝ սա դժբախտ պատահար է: Ինքս ոչ մի բանից տեղյակ չեմ, քննությունը կպարզի: Ես Արենին տեսել եմ արդեն հիվանդանոցում ու ոչինչից տեղյակ չեմ: Կրկնվեմ, որ ավելի հավանական է, որ սա դժբախտ պատահար է»:
Նյութը` սկզբնաղբյուր կայքում