Արդեն փչացած հեռախոս ա դառնում․․․Տիգրան Ավինյան
Երևանի քաղաքապետարանի շինարարության և բարեկարգման վարչությունը բոլոր վարչական շրջաններից ստացել է շների զբոսայգի առանձնացնելու ուղղությամբ իրականացված աշխատանքների պատասխանները, այս մասին գործակարգավարական խորհրդակցության ժամանակ հայտարարեց վարչության պետ Խորեն Գրիգորյանը: Վերջինը նշեց, որ Կենտրոն վարչական շրջանում նախատեսում են Օղակաձև զբոսայգում կառուցել շների համար առանձնացված զբոսայգին: Ավինյանն արձագանքեց՝ այդտեղ մեկ հատ ունենք, ենթադրվում է մեկ ա՞յլ հատվածում: Չստանալով սպառիչ պատասխան՝ փոխարենը շտկումների համար ժամանակ տալու խնդրանք, քաղաքապետը նշեց. «Ժողովո՛ւրդ ջան, արդեն տենց մի 4-5 ամիս ա՝ ժամանակը տրվում ա, ոնց որ արդեն փչացած հեռախոս եմ դառնում էլի էս հանձնարարականի մասով: Գնացե՛ք, գտե՛ք էդ տեղերը, որտեղ կնախագծենք ու կկառուցենք էդ շների զբոսայգին»: |