Ով է զբաղեցնելու Արդարադատության նախարարի թափուր պաշտոնը, ՀՀԿ խոսնակ Էդուարդ Շարմազանովի տեղեկացմամբ՝ դեռևս հայտնի չէ։
«Արդարադատության նախարարի նշանակման հարց չի քննարկվել, կադրային հարցեր, առհասարակ, այսօր չենք քննարկել»,-ասել է նա լրագրողներին՝ ՀՀԿ ԳՄ նիստից հետո կայացած ճեպազրույցի ընթացքում։
Խոսելով Մարզահամերգային համալիրի հետագա շահագործման մասին՝ ՀՀԿ խոսնակը վստահեցրել է, որ այնտեղ խաղատներ չեն լինելու, իսկ ներդրումային ծրագիրն, ըստ Էդուարդ Շարմազանովի, շահավետ է լինելու կառույցի համար։
