Արցախում ընթացող պատերազմական գործողությունների ժամանակ զոհվել է Հակոբ Պարոնյանի անվան երաժշտական կոմեդիայի պետական թատրոնի բալետի արտիստ Տիգրան Հարությունյանը, տեղեկացնում է թատրոնի ֆեյսբուքյան էջը։
«Մեծ ցավով տեղեկացնում ենք, որ թուրք-ադրբեջանական ագրեսիայի հետևանքով ԱՆՄԱՀԱՑԵԼ Է Հակոբ Պարոնյանի անվան երաժշտական կոմեդիայի պետական թատրոնի բալետի արտիստ Տիգրան Հարությունյանը։ Ցավակցում ենք երիտասարդ արտիստի հարազատներին ու արվեստի երկրպագուներին»,– ասվում է թատրոնի ֆեյսբուքյան էջում տարածված հաղորդագրությունում։
