«Омские Ястребы» ակումբի 18-ամյա հարձակվող ծնունդով արցախցի Արտյոմ Մանուկյանն արդյունավետության նոր ռեկորդ է սահմանել Ռուսաստանի հոկեյի երիտասարդական լիգայում (МХЛ): Փետրվարի 1-ին երիտասարդական լիգայի «Ладья»-ի դեմ խաղում նա 2 գոլային փոխանցում է կատարել` վաստակելով 2 միավոր և գոլերի ու գոլային փոխանցումների ընդհանուր քանակը հասցնելով 94-ի (35+59): Արտյոմը այս ցուցանիշով գերազանցել է նախկին ռեկորդը (92):
Հավելենք, որ Արտյոմ Մանուկյանը ծնվել է 1998 թվականին Արցախի Վարդաձոր գյուղում: Փոքր հասակից մարզվել է Օմսկի հոկեյի ակումբներում: 16 տարեկանից «Омские Ястребы» ակումբի հարձակվողն է: