«Ռուսաստանի հայերի միության» նախագահ Արա Աբրահամյանը նշանակվել է Ռուսաստանի նախագահի հատուկ հանձնարարությամբ ստեղծված պետական ազգային քաղաքականության տեղեկատվական աջակցման հարցերով հանձնաժողովի նախագահ:
Նորաստեղծ հանձնաժողովը գործելու է ՌԴ նախագահին առընթեր ազգամիջյան հարցերի խորհրդին կից և նպաստելու է ազգամիջյան հարցերում պետական ազգային քաղաքականության իրացման արդյունավետության բարձրացմանը։
Նշենք, որ Վլադիմիր Պուտինի մեկ այլ հրամանագրով Արա Աբրահամյանը նշանակվել է Ռուսաստանի օրվան, Ազգային միասնության, Ղրիմն ու Սևաստոպոլը՝ Ռուսաստանին միանալու օրվան նվիրված միջոցառումները համակարգող աշխատանքային խմբի անդամ։
