Հեռուստահաղորդավարուհի Գոհար Սրապիոնյանը ֆեյսբուքյան իր էջում գրել է. «Արցախի ժեկի պետը, դստեր հարսանիքին մի լաաավ պարելուց ու կուշտ ուտելուց հետո, միացավ «Ո՛Չ Արցախի էթնիկ զտմանը» շարժման պահանջագրին:
Ուրեմն սա էն աստիճանի ժեկի պետ ա, էն տիպի մինուս ա, որ քաղաքացիների՝ ՀԱՍԱՐԱԿ ՔԱՂԱՔԱՑԻՆԵՐԻ կազմակերպած ակցիաներին ա միանում՝ Արցախը փրկելու համար:
Արա՛, Դու պաշտոնյա ես, հիշում ե՞ս:
Կարաս էս կլոունադայի փոխարեն խոստումդ կատարես՝ «Շուշին հանձնելու դեպքում կինքնախարակիրվեմ»»:

Ավելի վաղ, Արցախի Հանրապետության նախագահ Արայիկ Հարությունյանը ֆեյսբուքյան իր էջում գրել էր. «Այսօր Ստեփանակերտում միացել եմ «Ո՛Չ Արցախի էթնիկ զտմանը» շարժման պահանջագրին, որով միջազգային հանրության տարբեր դերակատարների պահանջ է ներկայացվում ապահովել Արցախի ապաշրջափակումը, ինչպես նաև մի շարք այլ քայլերի իրականացումը՝ 2020թ. նոյեմբերի 9-ի եռակողմ հայտարարությանը, ՄԱԿ-ի Արդարադատության միջազգային դատարանի և Մարդու իրավունքների եվրոպական դատարանի վերաբերելի որոշումներին համապատասխան:
Ողջունելի է այս քաղաքացիական նախաձեռնությունը, որը մեր հավաքական կամքի ու ձայնի ներկայացման արդյունավետ ձևերից մեկն է:
Նախաձեռնությանը կարելի է միանալ ու աջակցել թե՛ Արցախի տարբեր բնակավայրերում կազմակերպված ստորագրահավաքով և թե՛ առցանց պահանջագրով»: