Հունվարի 16-ին Մերձմոսկովյան շրջանում անհայտ անձինք առևանգել են հայ գործարար Սարգսյանի 16-ամյա աղջկան։ Վերջինս հարազատների հետ հեռախոսազրույցի ընթացքում խնդրել է կատարել հանցագործների պահանջը:
Առևանգողները պահանջել են մեկ միլիոն՝ առանց նշելու կոնկրետ տարադրամը։ Այնուհետեւ հորը զանգահարել է ինքը աղջիկը։ «Լաց էր լինում։ Ապրել եմ ուզում, ինչ ուզում են՝ տվեք, ասաց։ Նա պատմեց, որ մեկ անգամ իրեն ծեծել են», – ասել է աղջկա պապիկը`հավելելով, որ գումարից բացի առևանգողները այլ բան չեն պահանջել՝ տալով ընտանիքին 2 օր ժամանակ։
Ընտանիքը ենթադրում է, որ իրենց աղջկան կարող էր առևանգել հոր նախկին գործընկերը։