«Առաջխաղացման փորձի կանխումից հետո, ըստ էության, նոր իրավիճակ չկա, ինչ վերաբերում է մեր ռուս գործընկերների հետ խոսակցությանը, բնականաբար, մեր արտաքին գերատեսչության գործընկերները մշտական կապի մեջ են: Մեկ անգամ չէ, որ արձանագրել ենք, որ Լաչինի միջանցքում կա խնդիր, այնտեղ ռուս խաղաղապահների պատասխանատվության գոտին է: Մենք սա գնահատում ենք որպես հերթական սադրանք Ադրբեջանի կողմից՝ խաթարելու գործընթացները, բայց ամեն բան անելու ենք՝ զսպելու էսկալացիոն բոլոր ռիսկերը՝ նաև միջազգային գործընկերների ճնշման միջոցով»,- ԱԺ ճեպազրույցների ժամին ասաց ՔՊ-ական պատգամավոր Արթուր Հովհաննիսյանը:

Ավելի վաղ տեսանյութ էինք տարածել՝ ներկայացնելով՝ ինչպես են ռուսներն ու ադրբեջանցիները փորձում Ադրբեջանի դրոշը դնել Հայաստանի տարածքում