hetq.am-ը, գրելով, որ ՀՀ կենտրոնական բանկի ներկայացուցիչները վերջին շրջանում տված տարբեր հարցազրույցներում որպես կուտակային կենսաթոշակների կառավարիչներ շահարկում են համաշխարհային համբավ ունեցող ընկերությունների`  մասնավորապես ֆրանսիական«Ամունդի» և ավստրո-գերմանական «Ցե-Կվադրատ» ընկերությունների անունները, նշում է, որ իրականում, պարզվում է, այդ ընկերությունները ունենալու են բաժնեմաս կառավարիչ ընկերությունում: 

ՀՀ կենտրոնական բանկի խորհրդի նոյեմբերի 19-ի որոշման համաձայն` արդեն իսկ գրանցվել է «Ամունդի-Ակբա Ասեթ Մենեջմենթ» փակ բաժնետիրական ընկերությունը եւ ստացել է ներդրումային ֆոնդի կառավարման գործունեության լիցենզիա: 

hetq.am-ը ՀՀ կենտրոնական բանկին գրավոր խնդրել է տրամադրել կուտակային ֆոնդի կառավարիչ ընկերությունների` «Ամունդի-Ակբա Ասեթ Մենեջմենթ» և «Ցե-Կվադրատ» ընկերությունների հիմնադիրների և բաժնետերերի մասին տեղեկություններ: 

Այսպիսով, համաձայն ԿԲ-ից ստացած պատասխանի` արդեն գրանցված «Ամունդի-Ակբա Ասեթ Մենեջմենթ» փակ բաժնետիրական ընկերության հիմնադիր բաժնետերերն են Amundi ընկերությունը` 51% եւ «Ակբա-Կրեդիտ Ագրիկոլ Բանկ» փակ բաժնետիրական ընկերությունը` 49%: 

Ստորև` «Ակբա-Կրեդիտ Ագրիկոլ Բանկ»-ի բաժնետերերի ցուցակը և բաժնեմասը 

Նյութը` սկզբնաղբյուր կայքում