Այս օրերին ադրբեջանական լրատվամիջոցների և համացանցային օգտատերերի քննադատությունների թիրախում է հայտնվել ադրբեջանցի պաշտոնյա Զահիդ Աբասովը: Պատճառն այն է, որ համացանցում տարածվել է մի լուսանկար, որում Աբասովը ՀՀ երկրորդ նախագահ Ռոբերտ Քոչարյանի հետ է: Ինչպես և սպասելի էր, քննադատությունների մեծ ալիք է բարձրացել Աբասովի անվան շուրջ, ինչից հետո նա պարզաբանմամբ է հանդես եկել` նշելով, որ լուսանկարի տարածումը հակաքարոզչություն է իր դեմ:
«Տվյալ լուսանկարն արվել է 1987 թվականին Յալթայում` հայ-ադրբեջանական պատերազմից 3-4 ամիս առաջ»,- նշել է Աբասովը` հավելելով, որ լուսանկարում պատկերված մյուս անձինք ադրբեջանցիներ են:
