Ապրիլյան քառօրյա պատերազմում հերոսաբար զոհված Ադամ Սահակյանի եղբայրը` 8-ամյա Սամվել Ալեքսանյանը, բանաստեղծություն է գրել` նվիրված հերոս եղբոր հիշատակին:
«Խաղաղ երկինքն է պղտորվել,
Եւ հավաքվել են դաժան ամպեր
Արդյո՞ք երկիր իմ Նաիրյան,
Դու պատրա՞ստ ես սուր մաքառման:
Գիտեմ կգան օրեր բարի
Եւ կհաղթի սուրը հայի
Խաղաղություն հայոց երկրին
Եւ աշխարհի մանուկներին»:
Հիշեցնենք, որ Ադամ Սահակյանը սահմանապահ գումարտակից էր, ապրիլի 1-ի առավոտյան բարձրացել էր դիրքեր և նույն օրվա գիշերը ժամը 3։00-ի սահմաններում տեղի է ունեցել հարձակումը։ Թշնամու կողմից դիրքերի՝ 15-20 րոպե տևած ծանր հրետակոծությունից հետո 112 դիրքի ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության։ Ադամը գործել էր ըստ մարտական հաշվարկի և դրա շնորհիվ է, որ հակառակորդը 4-5 ժամ չէր կարողանում գրավել դիրքը։
Արդյունքում Ադամ Սահակյանը իր զինակից ընկերների հետ կոտրել է հակառակորդի ողնաշարը՝հասցնելով նրան զգալի կորուստներ կանխելով նրա առաջխաղացումը դեպի երկրի խորքերը:
Նշենք, որ Ադամը հակառակորդի կողմից վերադարձված 18 զոհված զինծառայողների թվում էր: