Լրագրող Սյուզի Բադոյանի ֆեյսբուքյան գրառումը․ «Ծանր է մթնոլորտը Գյումրիում։ Ասվել է` Յոթ Վերքը դատարկե՛ք տվեք մեզ։ Տուպիկային է իրավիվիճակը և՛ Նիկոլի, և՛ Աջապահյանի համար։ Թեմում լարված են, ԱԱԾ-ն պայմաններ է դնում Շիրակի քահանաների առաջ` իբր ներքին լարվածությունից խուսափելու համար, ասվել է` կա՛մ ընդունեք վարչապետի հրապարակային պահանջը` վեհափառի մասով, կա՛մ դրսից պատարագիչ կբերվի, ու այդ մարդը, ըստ իմ աղբյուրի, Վազգեն Միրզախանյանն է` Նիկոլին միացած եպիսկոպոսը։
Ասվել է նաև, որ տեղի քահանաները պիտի դուրս գան Յոթ Վերքից դեկտեմբերի 7-ին, որ լարում կամ բախումներ չհրահրեն։
Փաստացի պրովոկացիան անում է Նիկոլը, հարսանիքի սրահի պես դատարկել են տալիս Եկեղեցին,
տարածքը մաքրում են իրենց համար անցանկալի անձանցից, որ անձնական օգտագործման համար պատրաստ եպիսկոպոսով գան մտնեն Յոթ Վերք և իրենց քաղաքական միջոցառումն անեն, մերժումների արշավ անեն, ծափ տան Նիկոլին, նկարեն ու գնան հանգիստ խղճով
Ու այս ամենի իրագործումը դրված է կեղծ ծեսերի կազմակերպիչ դարձած ուժային կառույցի վրա։
Պարզ է, որ ԱԱԾ-ն վաղը զենքով, գուցե շներով կներխուժի Գյումրու այս փառահեղ Եկեղեցին և ուշ երեկոյան «կսանրի» տարածքը` ռիսկերից։
Այդպես է սովորաբար արվում ռիսկային ու ծանր դեպքերում, որ վարչապետն անվախ գա ու գնա, ասում են հին ԱԱԾ-ականները։
Եւ հիմա չկա դեռ որոշում ` ինչ անել։
Տեղի քահանաները համառ են, բայց...
Ցայտնոտ է սկսվել Շիրակի թեմում, դեկտեմբերի 7-ի հերթապահ քահանան «դաբրո» չունի Մայր Աթոռից, վստահ է` չի ներվի հատկապես բանտված թեմակալ իր առաջնորդ
Միքայել սրբազան Աջապահյանի կողմից։
Ուրեմն ի՞նչ անել։ Դատարկել Եկեղեցին․ ինչի՞ց, ումի՞ց։ Հանուն ինչի՞։ Հանուն ո՞ւմ։ Որ ո՞ւմ տրորեն ու որերորդ անգամ։ Իրոք քաոս է։
Ասում է մի գիժ քարը գցել է հորը, հարյուր խելոք չեն կարում հանեն»։

Դիտեք նաև՝

***