Հայաստանի խոշոր հարկատու և գործատու Զանգեզուրի պղնձամոլիբդենային կոմբինատը ոչ միայն հազարավոր մարդկանց ապահովում է աշխատանքով, այլ նաև հարյուրավորներին օգնում է ձեռք բերել նոր մասնագիտություն և նրանց համար ապահովում գործունեության նոր հնարավորություն։
ԶՊՄԿ-ն իր գործընկեր Craft excellence ուսումնական կենտրոնի հետ, տարածաշրջանից հավաքագրել և կազմակերպել է խառատների, էլեկտրիկներ և զոդողների տեսական և գործնական դասընթացներ՝ նպատակ ունենալով երիտասարդ մասնագետներ կրթել, ովքեր հիմնովին պատրաստ կլինեն ներդնել իրենց գիտելիքներն աշխատանքում:
Մայիսի 22-ին, եռամսյա դասընթացների ավարտից և քննությունների հաջող հանձնումից հետո, մասնագետներին շնորհվել են համապատասխան հավաստագրեր:
Չորս տասնյակից ավելի որակավորում ունեցող աշխատակիցները կլրացնեն աշխատաշուկայի պահանջարկը և իրենց հմտություններով կնպաստեն մարզի մասնագիտական հիմնարկների առաջխաղացմանը։