«Ազատ դեմոկրատներ»-ը լուրջ ուշադրություն է դարձնելու սոցիալական, էկոլոգիական խնդիրներին: Անձամբ կրթական խնդիրներից բացի գնում եմ մանկատան շրջանավարտների բնակարանային խնդիրը բարձացնելու համար: Մեր ցուցակում 101 հոգուց 60 տոկոսը երիտասարդներ են, 40 տոկոսը՝ կանայք»,-այս մասին լրագրողների հետ հանդիպման ժամանակ ասաց Անահիտ Բախշյանը:
Գերագույն խորհրդի նախկին պատգամավոր Ազատ Արշակյանն, ով «Միացյալ հայեր» հասարակական կազմակերպությունն է ներկայացնում, տեղեկացրեց, որ շահադիտական նկրտումներից ելնելով աջակցում են Օհանյան-Րաֆֆի-Օսկանյան դաշինքին, քանի որ վերջինները խոստացել են աջակցել իրենց ծրագրերին.
«Միացյալ հայեր» նշանակում է Արցախ, ՀՀ և Սփյուռք: Ինչ վերաբերում է ցուցակին, ապա խնդիրներ չենք ունեցել.մեզ չեն առաջակել, մենք էլ չենք պնդել: Չենք նեղացել, չենք նեղանալու»,-ընդգծեց Ազատ Արշակյանը:
Ինչ վերաբերում է կուսակցությունների հրապարակած ցուցակներին, Անահիտ Բախշյանը նկատեց.
«Որքան խորանում եմ քաղաքականության մեջ, այնքան խճճվում եմ, որովհետև բաներ եմ տեսնում, որ բարոյական արժեքների շրջանակում անհնար է տեղավորել դրանք: Եվ այն, որ ՀՀԿ ցուցակը գլխավորում է Վիգեն Սարգսյանը, հաստատ ինչ-որ մի բան մտածել են, որ այդպես են արել»:
«Խաթաբալա»: Մեկին ցույց են տալիս, ուրիշին ընտրում են: Գայթակղում են, բայց գիտենք, որ Վիգեն Սարգսյանն հեռանալու է: Կրկին կլինի Պաշտապնության նախարար, և նրան կփոխարինի թփերի կամ 40-րդ տեղում թաքնված որևէ քրեաօլիգարխիկ պարտիզան»,-ընդմիջեց Ազատ Արշակյանը:
Անի Կարապետյան
