Ժան Պոլ Էքզիստենցիալ սրճարանը, հինգշաբթի, նոյեմբերի 10-ին, 19.00-ին, ներկայացնում է Մխիթարյան միաբանության անդամ, Սևրի Սամուել Մուրադյան վարժարանի և մշակութային կենտրոնի տնօրեն Հարություն Պզտիկյանի անհատական ցուցահանդեսը:
Նաև նկարչությունն իբրև իր հոգու ապրումների թարգմանության ձև ընտրած վարդապետ Հարություն Պզտիկյանն իր հոգևոր մտորումները արտահայտել է նորովի աշխարհիկ ինքնադրսևորումներով: Նրա աշխատանքների ինքնատիպությունը լուսանկարչական ու գեղանկարչական տարրերի հետաքրքրական համադրության մեջ չէ միայն, այլ նախ և առաջ մտածողության ձևի, որով նա առանձնանում և ներկաներիս է հաղորդում իր զգացումները, ապրումները, տագնապներն ու մտահոգությունները՝ մարդու եւ աշխարհի մասին։ Հարություն Պզտիկյանի աշխատանքները կարելի է դիտել իբրև հոգևորի և աշխարհիկի յուրօրինակ սինթեզում. խորքի մեջՙ հոգևոր, նույնիսկ տարաշխարհիկ զգացողություններ, իսկ մակերեսներին՝ մեզ շատ ավելի ծանոթ «աշխարհիկ» դրսեւորումներՙ առավելապես կանանց կերպարներով, որոնց մեջ տենդագին ինչ-որ բան կա նկատելիորեն ընդգծվածՙ փախուստի նմանվող անելանելի իրավիճակներ, անորոշություն։
Իսկ թե ինչո՞ւ է իր աշխատանքներում ընդգծված կնոջ կերպարը, Հայր Հարությունը խորհրդանշական բացատրություն է տալիս. «Աստված տիեզերքը ստեղծեց, երկիրը ստեղծեց, Ադամը ստեղծեց, տեսավ, որ անկատար է, վերջավորության կինը ստեղծեց եւ ներդաշնակություն մը եղավ։ Ըմբռնեցեք հոգեւոր իմաստով ասիկա»։